Қазақ елі – Шот-Аман Уәлиханов

Самғаған алысқа,
Ұқсаған барысқа,
Жерұйық Отаным – Қазақстаным.
Арайлы ақ таңым – Қазақстаным.

Жалғанның жартысындай Қазақ елі,
Алғандай көздің жауын сұлу жері.
Ақпейіл, дарқан көңіл халқымыз бар,
Болғанда бірі батыр, бірі сері.

Өмірде сан миллион қазақ бармыз,
Құшақ кең досымызға, жауға тармыз.
Салсаң да қай арысқа таласатын
Ару бар, азамат бар, кімге зармыз?

Қайырмасы:
Қызыл гүлдей қырмызы,
Алаштың ер – ұл-қызы!
Ие бол мынау елге,
Киелі, кенді жерге!
Аттан, жас ұрпақ! Алға!
Қолда, аруақ! Қолда!
Елімнің ұл-қыздарын!

Әз-бабам азаттықты аңсап өткен,
Елі үшін талай саңлақ шаһид кеткен.
Солардың құдіретті ой-арманы
Таңы боп тәуелсіздік бізге жеткен.

Тарихтың көшінен кеш қала алмаймыз,
Ақ жолдан ата салған бұлтармаймыз.
Достық пен мейірбандық – біздің байрақ
Өгей ұл адамзатқа бола алмаймыз.

Қайырмасы