Еркем – Несіпбек Айтұлы

Үлбіреген гүл едің ғой, еркем,
Көз алдымда жүр едің ғой, еркем.
Тоты құстай түледің ғой, еркем,
Қайда кеттің, жүдедім ғой, еркем.
Сол баяғы баламысың, еркем,
Баққа жалғыз барамысың, еркем.
Бір сәт ойға қаламысың, еркем
Мені есіңе аламысың, еркем.
Арманым жоқ, еркем.
Ақ жүзіңді көрсем!
Қуаныш боп келемісің, еркем,
Көктем гүлін теремісің, еркем.
Жан сырымды сеземісің, еркем,
Жаным десем сенемісің, еркем.
Әлде оралмай кеткенің бе, еркем,
Арман болып өткенің бе, еркем.
Жабырқап жас төккенімде, еркем
Жел боп ұшып жетпедің бе, еркем.
Арманым жоқ, еркем,
Ақ жүзіңді көрсем.