Дәрігерім – Совет-Хан Ғаббасов

Қапылыста қатер төніп жеткенде,
Жазатайым – жасын соғып өткенде.
Өмір гүлі ажарынан солардай,
Жан шошына, көңіл толқып кеткенде...

Қайырмасы:
Ара түсер, ақылшым сен ғанасың.
Ақ құсым боп, желпитін жан жарасын.
Жарық күнім...
Бар үмітім,
Бір өзіңсің – дәрігерім ...

Үзілердей тіршіліктің тамыры,
Таусылардай көңілімнің сабыры.
Қорқыныштан қым-қуыт боп дүние,
Қағылғанда сорлы жүрек дабылы.

Қайырмасы

Арпалысқан үрей дауыл басылып,
Қара түннің көкжиегі ашылып.
Арайланған санадағы сәулені,
Алыпқашпа сезімдерден асырып.

Қайырмасы