Райымбек баба

Ұрпаққа жеткен ұран боп,
Киелі батыр Райымбек.
Жоңғардан жерді қорғасқан,
Болашақ елдің қамын жеп.

Қайырмасы:
Сарбаздардың қолбасы,
Асқан ақыл-айласы.
Райымбек пен Наурызбай,
Өтеген, Сәмен, ер Матай,
Қаракерей Қабанбай,
Қанжығалы Бөгенбай,
Жан-жақтан келіп қосылған,
Үрейін алып тосыннан,
Түкті де жүрек батырлар,
Жауға оқ боп атылған.

Намысты қолдан берместен,
Жауымен ата белдескен.
Ойлаған жеткен мақсатқа,
Айбынды, сұсты, Наркескен.

Қайырмасы

«Әулие» баба атанған,
Халқын сүйген қаһарман.
Ерлігі өшпес өнеге
Айналдым асыл атамнан.

Қайырмасы

---