Нұрсапа Аманжолов

Сен – күнсің

Қазақша өлең мәтіні, өлең жолдары және толық нұсқасы.

admin
07.09.2024
0
0
333

Мен – гүл бақша,
Сен – Күнсің көгімдегі,
Жарасады Сәулеңнің төгілгені!
Нұр сыйпатпен жанымда еркелесең,
Сайрап кетер құстарым көңілдегі.
Көріскенде қиуадан сағынысып,
Қалатындай Күн мен Ай шағылысып.
Қолың-қолға тигенде, ерінге-ерін
Мәңгіп қалдым жолымнан жаңылысып.
Тасалансаң көзімнен, сор маңдаймын,
Қараңғыда саңылаусыз қалғандаймын.
Бір көлеңке жапқандай көңілімді,
Қауышуды қайта бір армандаймын.
Сенсіз жаным шыдар ма алақызбай,
Жарқ етіп бір көрінші бала қыздай!
Құшағыңда деміңнен сенің ыстық
Балқып кетсем арман жоқ балауыздай.

Нұрсапа Аманжолов өлең Қазақша өлең сен – күнсің Нұрсапа Аманжолов өлеңдері романс

Пікірлер (0)

Пікір қалдырыңыз

Жиі қойылатын сұрақтар