Өлең, жыр, ақындар

Мансаптың бәрі төр ме деп

  • admin
  • 07.09.2024
  • 0
  • 0
  • 268
Мансаптың бәрі төр ме деп,
Биіктің бәрі өр ме деп,
Айыра білмес алшаңдап,
Өресі жетпес өрмелеп.
Халінше әркім тырмысып,
Халінше әркім нұр құшып.
Араларынан әркімнің
Әрлі де берлі бір мысық
өтіп жүр.
Ол да өз тірлігі,
Осылай дейді ол бір күні -
Жабысып туған жоқ шығар
Жамандықпенен кіндігі.
Жылтырақ көрдік тасты да,
Құшағымызға алдық қасты да.
Басымыз тиген жастықты,
Төседік жаттың астына.
Жылатып айтпай досы кеп,
Айтпадық «Мұнысы несі?» деп.
Аяғын бастық үлкеннің,
өкшесін басу осы деп.
Байламын айтпай байсалды,
Шындықтан шал да тайсалды.
Мастығын көріп кішінің,
«Жастығы шығар», - дей салды.
Есебін тауып, еп қылдық,
Тартысты жерде тек тұрдық.
Аңқауға мұрын шүйіріп,
«Ауылдан келген» деп күлдік.
Жоқта да көңіл хошы ұдай,
иә, біз күлдік осылай.
Қамытың осы-ау қас тірлік
Танытып жүрген дос рай.



Пікірлер (0)

Пікір қалдырыңыз

Ойладым деп, сағындым, сарғайдым деп

  • 0
  • 0

Ойладым деп, сағындым, сарғайдым деп,
Жүктедің-ау алдыма таудай міндет.
Алып-ұшқан болмаса менде сезім,
Сағыныш Намазшамова

Толық

Жарқын күннің бәрі де кетіп іште

  • 0
  • 0

Жарқын күннің бәрі де кетіп іште
Мен сен үшін айналдым өкінішке.
Біліп ең ғой әйтеу тап боларыңды
Сағыныш Намазшамова

Толық

Жасандыны бүркемелеп жарнама

  • 0
  • 0

Жасандыны бүркемелеп жарнама,
Жалған тұғыр соғып жатыр қарғаға.
Сайтандардың сыбыры көп тірлікте
Сағыныш Намазшамова

Толық

Қарап көріңіз