Өлең, жыр, ақындар

Нені аңсадым, не күттім, нені іздедім?

  • admin
  • 07.09.2024
  • 0
  • 0
  • 145
Нені аңсадым, не күттім, нені іздедім?
Кеудесінен күндердің кен іздедім.
Есер болған есіме ем іздедім.
Қапас түннен ағарған таң іздедім,
Шабысынан жүйріктің шаң іздедім,
Тоғышарлау тірліктен мән іздедім.
Ордалы оймен сезсем деп отыз демін,
Ойлы жастың көзінен от іздедім.
Жолаушыдай жүдеген жоқ іздедім.
Ажарынан арудың ар іздедім,
Көкірегінен кереңнің ән іздедім.
Айқыш-ұйқыш әжімнен әр іздедім.
Жетімектің жүзінен күлкі іздедім,
Көште қалған күшіктей жұрт іздедім.
Жұмбағы көп дүние, кілт іздедім.
Жеткізсін деп жырымды жел іздедім,
Құтқарам деп ұсынар қол іздедім,
Апаратын жұмаққа жол іздедім.
Бәрін-бәрін әлі де іздеп келем,
Сабылумен қыс пен жаз, күзді өткерем.
Қауышу мен тұрады жоғалтудан,
Баяны жоқ дүние біз беттеген.



Пікірлер (0)

Пікір қалдырыңыз

Жол үстінде жолығып

  • 0
  • 0

Жол үстінде жолығып,
Жол үстінде қоштасып,
Үлгердік пе, білмеймін
Сағыныш Намазшамова

Толық

Шырайы кем, шапаны да шоқпыт түн

  • 0
  • 0

Шырайы кем, шапаны да шоқпыт түн,
Шипаң жоғың біліп тұрып, көп күттім
Маңайына жарық берген май шамдай,
Сағыныш Намазшамова

Толық

Жалғыз шумақ – жалқы мұң

  • 0
  • 0

Жалғыз шумақ – жалқы мұң
Жұпар демін жұтамын кеп құныға.
Қараңғы деп кім айтты оны,
Сағыныш Намазшамова

Толық

Қарап көріңіз