Өлең, жыр, ақындар

Шыбық ұстап бағлан баққан күндер

  • admin
  • 07.09.2024
  • 0
  • 0
  • 361
Шыбық ұстап бағлан баққан күндер,
Ағынындай Ақсудың аққан күндер.
Алтыны да, күмісі керек емес,
Алқымыма тұмар ғып таққам гүлдер.
Туған жер топырағын түйгенсің бе?
Ұрпақ жерін ұлықтап үйренсін де.
Қамқа тоның қажет деп ойламаймын,
Арқа жоным шыңдалып күйген күнге.
Кеш мені.
Жоқпын әлі түк өндірген,
Көсіле бір мінбедім күреңді мен.
Төскейің жұмақтайын жылы тиер,
Табаныма тас батып, тікен кірген.
Ақ некелі жандарға арқан керіп,
Тары түйген әжеден талқан жедік.
Тауың биік тұрғанда, туған жерім,
Жанашыр бар жұбатар, қалқам берік.
Атамекен, ауылым – Қосағашым,
Аттағам сенде өмірдің босағасын.
Әженің әлдиімен тербетілген
Бауырың ақ бесіктен босамасын!



Пікірлер (0)

Пікір қалдырыңыз

Қайда жүрсің, қай жақтың белесінде

  • 0
  • 0

Қайда жүрсің, қай жақтың белесінде,
Керуен көшіп барады, келесің бе?
Алданба жол жақын деп ұзақ күнге,
Сағыныш Намазшамова

Толық

Ай сәулесі

  • 0
  • 0

Ай сәулесі
Ай бетінде бедерленген бір сұлба,
Балаларды ойландырмай тұрсын ба?!
Сағыныш Намазшамова

Толық

Ауасына ауылдың шөлдегенім

  • 0
  • 0

Ауасына ауылдың шөлдегенім,
Не қимасым қалып ед елде менің.
Осы маңда табаным жерге тиіп,
Сағыныш Намазшамова

Толық