Жас түлектер жыры

Білімге біз, туған ел, құмар ұл-қыз –
Арман қуған жас түлек, ұланыңбыз.
Нұрағадай ертең-ақ талай-талай
Арамызда жарқырап тұрар жұлдыз.

Қайырмасы:
Нұрға бөлеп әрдайым тұрар маңын,
Арамыздан сан мыңдап шығар дарын.
Сеніміңді арт, туған ел, ұрпағыңа,

Алға батыл самғайды ұландарың.
Сан алуан мамандар еңбегін де
Лайықты өнермен тең көруге.
Озық ойлы ғылымның небір сырын
Асығамыз тезірек меңгеруге.

Қайырмасы.
Талпынбаса бұйырған өнер кімге,
Талаптыға шуағын төгер күн де.
Талпынамыз шыңдарға, асқарларға,
Талпынамыз табысқа кенелуге.

Қайырмасы.
Әрбір күнге жеңіспен аттағанда,
Кеуде соғар біз емес мақтағанға.
Қазақстан туған ел – ұлы анамыз,
Үмітіңді бола ма ақтамауға.

---