Пейзаж

Көк шықты таудың тарғыл тасын жарып,
Арықтан сулар жатыр тасып ағып,
Аямай жерге төгіп тұр алтын нұрын,
Күн көзі күлімдейді қолын керіп.

Пікірлер (0)

Әуеден алтын сәуле қарға құлап,
Жанданды жазды көріп жарғақ лақ.
Жүгірді айдын-айдын айна бұлақ
Орғылап ойдым-ойдым ойға құлап.

Мен марттағы найзағай күркірімін,
Құрманғазы күйінің бір тілімін.
Менің жаным саясын паналаған,
Дүниедегі бар қыздың кірпігінің.

Арманың ада болмас арна сенің,
Туған жер, сірә, сенің бар ма шегің?!
Сен үшін қызыл аяқ қырды кезіп,
Жалаң аяқ жар кешемін.