Арман мен ақыл

Шіркін-ай, күйші болсам,
Бал тамған бармағынан!
Шіркін-ай, биші болсам,
Шығып бір арманымнан!..

Шіркін-ай, ғалым болсам,
Тілдескен даналықпен!
Әлемге мәлім болсам,
Ашқан көп жаңалықпен!..

Көзіңнен күлімдеген,
Бір ұшқын сезіп пе ең сен.
Алдымен
Білім деген
Бәйгеден озып келген.

Актердің,
Ақынның да
Жанына ғылым қорек.
Бүгінде
Батырдың да
Өзіне білім керек.

Оқудың озатына
Арман да таяу болар.
Білімнің боз атына
Мінбеген жаяу қалар!

---