Өлеңдер Бөлімі

Ауылдастар арасында

Ақын болдың маңдайыңа бақ дарып,
Абыроймен жүрсін, оны атқарып,
Деп ауылдың адамдары
Көңілге
Келгендерін айтып жатыр ақтарып.

Біреу сүйіп, біреу өтер қызғанып.
Байсалды бол,
Өсірмейді қызбалық.
Сыналып та жүрсің,
Сынға төзіп бақ,
Сенің қалай жазатының бізге анық!

Құдай берген қабілет бар бойыңда,
Соны сақтау керектігін мойында.
Ауылға кел,
Болсын біздің мойында
Көлігің де,
Сауының да,
Қойың да!

Қымыз, шұбат — құзырыңа сол көмек.
Күнге күйіп,
Түсу керек көлге көп.
Қан жоқ, сел жоқ,
Тастаған ба оқу жеп,
Айналайын, дем алсаңшы елге кеп!

Түтін жұтып көкірегің қарайса,
Тас қалада қалмақшысың, қалайша?!
Екі бөлме үй бола ма?
Ауылдан
Берейік бір он бөлмелі сарай сап!

Ақын болдың маңдайыңа бақ дарып,
Абыроймен жүрсің оны атқарып,
Деп ауылдың адамдары
Көңілге
Келгендерін айтып жатыр ақтарып.

Бауырмалға мол-ay, шіркін, ел іші!
Беріп жатыр батасы мен қол ұшын.
Өзіңді өзің аямасаң егерде,
Елің сені аяйды екен сол үшін!


Жасым болса келіп қалды кемелге

  • 0
  • 0

Жасым болса келіп қалды кемелге.
Дәулеттіге есептейді мені елде.
Бір кебеже, бір сандығы бар үйің
Бұл күндері толып кетті мебельге.

Толық

Жаңбырдан соң

  • 0
  • 0

Күміс кірпік өткір сәуле жерде ойнар
Шаңқай түсте ысып кеткен күн қайнар
Мазасыз жел кетіп еді жоғалып,
Бір мезгілде алып келді бұлт айдап.

Толық

Ара

  • 0
  • 0

Қызғалдақтың қасына
Қойып едім қондырмай,
Бізін сұғып басыма,
Шақты ара оңдырмай.

Толық

Қарап көріңіз


Пікірлер (3)

Досанов Қажыкелді

Өте керемет маған ұнады. Қадір Мырза Әлі ақынды жақсы көрем

Әбубәкір Тұрбек

мағанда қатты ұнады

Myrza

Өте керемет

Пікір қалдырыңыз

×