Гүлмекен Қасенбай

Алма мен сәбіз айтысы

Бұл бетте «Алма мен сәбіз айтысы» атты Гүлмекен Қасенбай жазған достық туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

gumakanapia
30.09.2024
0
0
1128

Алма мен сәбіз айтысы

Алма:
Мен Алмамын, Алмамын,
Назарыңды сал жаным!
Тек ағашта пісемін,
Тәтті болу арманым.

Сәбіз:
Мен Сәбізбін, Сәбізбін,
Көкөніспін дәмді мен.
Палау менсіз піспейді,
Тойлар менсіз өтпейді!
Ааа-еее-оооу!

Алма:
Топыраққа көмілген,
Шаштарың бар төгілген.
Мақтанбашы Сәбізжан,
Беті-басың кір неткен?!

Сәбіз:
Сен ақымақ алмасың,
Топырақтан нәр алғансың.
Күз келгенде бәрібір,
Жерде шіріп қаласың!
Ааа-еее-оооу!

Алма:
Әзілдегем Сәбізжан,
Ренжіме сен маған?

Сәбіз:
Кешір сен де Алмажан,
Көңіліңді ауыртсам.

Алма:
Екеуміз дос болайық,
Амандасып тұрайық.

Сәбіз:
Көкөніс пен жеміс боп,
Елге қызмет қылайық!
Ааа, еее, ооооу!

Гүлмекен Қасенбайқызы
20.09.2024

Көкөніс пен жеміс айтысы балабақшаға арналған алма мен сәбіз айтысы gumakanapia өлеңдері

Пікірлер (0)

Пікір қалдырыңыз

Жиі қойылатын сұрақтар