Өлең, жыр, ақындар

Біз екеуміз

  • admin
  • 30.09.2024
  • 0
  • 0
  • 489
Екі гүлміз бір кеудеде қаулаған,
Екі жүрек бір бесікте аунаған.
Екеуміздің үніміз де ұқсайды,
Екеуміздің түріміз де аумаған.

Ойнап-күліп жүргенменен ол аман,
Мына жақта күндіз-түні мен алаң.
Гүл бақшада жүрсем де өзім,
Сол жүрген
Сонау құмның ауасымен дем алам.

Алғаш жаңбыр тауға төгіп өткенде,
Мен шығамын аласұрып көк белге.
Сол бір жақтан келе жатқан құстар да
Содан хабар әкелердей көктемде.

Ол да мені келеді іздеп шығаннан,
Мен де барып, қайтам шығып құмардан.
Көк аспанда сайрап жатқан құс жолы
Екеуміздің жолымыздан құралған.

Мен онымен бірге құлап, бір ұшам,
Соның бәрін үнсіз ғана ұғысам.
Жаным менің жатсын тіпті өртеніп,
Жайсыз хабар естіртпеуге тырысам.

Ол жүргенде менің де жоқ түк қайғым,
Тал басында мөлдіреген шықтаймын...
Екі адамға түскен жүкті көтеріп,
Екі адамға өмір тілеп ұйықтаймын!



Пікірлер (0)

Пікір қалдырыңыз

Бүгінгі дала суреті

  • 0
  • 0

Жер менен көкті жалғаған —
Ақ жолақ жатты тартылып...
Адырда тұрған аруана
Қарады бір сәт маңқиып.

Толық

Бақытым менің

  • 0
  • 0

Бақытым менің
Бөлмеймін сені, байтағым,
Теңіз деп, тау деп, дала деп.

Толық

Мен сенің ұланыңмын

  • 0
  • 1

Мен сенің ұланыңмын
Туған Отан, кеудемді желпіндіріп,
Бәрін өзің үйреттің ертіп жүріп.
Сағи Жиенбаев

Толық

Қарап көріңіз