Сағи Жиенбаев

Қара көздерім

Бұл бетте «Қара көздерім» атты Сағи Жиенбаев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

admin
26.10.2024
0
0
513

Ырзамыз барлық ісіңе,
Періште қара көздерім,
От пенен судың ішінен
Бізді алып шыққан өздерің.
Қызықтың бәрін құрбан ғып,
Біз үшін күйіп-жандыңдар,
Бізді ойлап жүріп, жылдардың
Өткенін білмей қалдыңдар.

Тұншығып іште жалыны
Жана алмай қалған отсыңдар,
Таранып, моншақ тағынып,
Бойды да күткен жоқсыңдар.
Қырманда жүріп бой жеттің,
Қырларда кетті көп күндер,
Түрлерін іздеп көйлектің,
Таңдап та кимей кеттіңдер.

Жайнайтын кезің келді енді,
Жетеді маржан, лағылдар,
Жазғырмайды ешкім сендерді,
Асылдың бәрін тағыңдар.
Оралсын балғын кездерің,
Қалмасын кірбің кеудеңде.
Періште қара көздерім,
Жасаймыз жұмақ сендерге!

Сағи Жиенбаев Батырлар ерлік жайлы әндер қара көздерім Сағи Жиенбаев өлеңдері

Пікірлер (0)

Пікір қалдырыңыз

Жиі қойылатын сұрақтар