Өлең, жыр, ақындар

Айыртау атты ауданым

  • admin
  • 19.11.2024
  • 0
  • 0
  • 412
Айыртау деп атаймыз аудан атын,
Тарихы бай қазағым таңғалатын.
Шоқан, Ақан, Орынбай, Үкілі Ыбырай
Есімдері желпінтер жан қанатын.
Сал Сырымбет самғатқан санамызды,
Ел біледі ол жайлы бар аңызды.
Құлагердің ор болып ізі қалған,
Ардақтаймыз киелі даламызды.
Патша алдында көтерген бағамызды,
Жақындатты төремен арамызды.
Уәли хан өлген соң орда салған,
Мақтан етем Айғаным анамызды.
Кемеңгер бар жазылар талай дастан,
Ашар оған қабағын арайлы аспан.
Соғыс жылдар басқарған қазақ елін
Шаяхметовтің Айыртау жолын ашқан.
Қайсар, өжет десеңші қандай мықты,
Ұмытпайық, ағайын, Жанбаевты.
Бәйкен, Еркін, Баяндар ер атанып,
Елдің қамын еш қамшы салмай ұқты.
Көп тізбектеп арыстар айтпан бәрін,
Ақын Мұса еді ғой атпал дарын.
Айыртаудың жыршысы сол болатын,
Көрдік талай жеңімпаз атты алғанын.
Саумалкөлім – аудандық бас қаламыз,
Келбетіңе сүйсініп, шаттанамыз.
Ордабасы, Ұлытау, Қазығұртпен
Атың тең деп, Айыртау, мақтанамыз.

26.09.2008.
Астана



Пікірлер (0)

Пікір қалдырыңыз

Көрмей жүріп сүйгендер

  • 0
  • 0

Көкірегіңе көп қуаныш түйіпсің,
Ашылу аз, жабығу көп тұйықсың.
Тірліктегі бір ғажайып сол шығар,
Көрмей жүріп, көргендей боп сүйіпсің.

Толық

Мың-­мың алғыс үйемін

  • 0
  • 0

Студент кез жүрек жаулар тетікті,
Тапқан сөзім арманына жетіпті.
Гүлдей нәзік аққұба қыз
Бәйбіше

Толық

Атағын берсін Ғабеңнің

  • 0
  • 0

Атағын берсін Ғабеңнің
Оңдасын Әшімовке
Ғабит аға тойында
Кәкімбек Салықов

Толық

Қарап көріңіз