Өлең, жыр, ақындар

Тойымсыз «капиталист қазақтар­ай»

  • admin
  • 19.11.2024
  • 0
  • 0
  • 374
Тойымсыз «капиталист қазақтар­ай»,
Көрінген көзімізге қылығы анық.
Көрсетіп жүр ғой олар ғажап талай,
Бар байлықты қалтаға тығып алып.
Өтпей тұр күндер әлі басымыздан
Жүзге бөліп қазақты жіліктеген.
Ат жалында өскен ел заты қызба,
Шоқпар сүйер, үйірген құрықпенен.
Жоқшылыққа табуды сабыр, шыдам,
Көп көрдім өзгелерден жүріп төмен.
Есік қаққан шошимын қайыршыдан,
Көптен ол көрер көзге ілікпеген.
Премьерлер бір­бірлеп кетіп жатыр,
Кейбіреуі жымысқы бүлікпенен.
Тозған ауыл үндемей қалды ақыр,
Қолда аз­маз, жұмыссыз, мүлікпенен.
Діндарлар көп тілеген бізге ақ жол,
Қаптап кетті арабтар, түрікпенен.
Бүлік десек ойлантар ілік тап сол,
Өз бастары ешқашан бірікпеген.
Таң жарық, ерте тұрып арай көрем,
Адуын асау аттай үрікпеген.
Аптықпай келер күнге қарай берем,
Үзілмеген ақ сенім, үмітпенен.

11.04.2002.
Мәскеу



Пікірлер (0)

Пікір қалдырыңыз

Біз қазақпыз, азатпыз

  • 0
  • 0

Біз қазақпыз, азатпыз
Көкшетау мен Алатаудың арасын
қара Ертіс пен Ақ Жайықтың жағасын
Кәкімбек Салықов

Толық

Қонақ екен қыз бала

  • 0
  • 0

Қонақ екен қыз бала
Жат жұрттықтан өз арманын іздеген,
Қолыңдағы құс екен ғой қыз деген.
Кәкімбек Салықов

Толық

Сүймей-ақ қой ақынның мақтаншағын

  • 0
  • 0

Сүймей-ақ қой ақынның мақтаншағын,
Бірақ сені жасқантпас шалқар шағым.
Не десең де мен өлең оқи келдім,
Кәкімбек Салықов

Толық

Қарап көріңіз