Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Кәкімбек Салықов

Кедейлікті игеру де даналық

Бұл бетте «Кедейлікті игеру де даналық» атты Кәкімбек Салықов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

admin
20.11.2024
0
0
536

Рудакидің еліне келдім дәм жазып,
Тауларау, таулар!
Қайда дала, кең жазық?!
Биік төрде жырын оқып дананың,
Рухани алдым өшпес мәңгі азық.
Адал ақын, ойлы ғалым, білікті,
Бақыт құсын аялай да біліпті.
Қуылғанда сарайынан патшаның,
Көп кедейлер арасында жүріпті.
Жарқын жұлдыз ойлағандай «Аймын» деп,
Айтады екен: «Менің енді қайғым жоқ.
Арамзасы, бақасы жоқ жандардың
Досы болған ең бақытты баймын», – деп.
Әу дегені – әлем сүйер жаңалық,
Дүние жалған сырын шертсе қадалып:
Ен байлық пен шеншекпенді көксемей,
Кедейлікті игеру де даналық.

25.10.1983.
Мәскеу

Кәкімбек Салықов кедейлікті игеру де даналық Кәкімбек Салықов өлеңдері

Пікірлер (0)

Пікір қалдырыңыз

Жиі қойылатын сұрақтар