Кәкімбек Салықов

Күнә ғой сүймеу сұлуды

Q: Күнә ғой сүймеу сұлуды өлеңі не туралы?

Бұл өлеңде Кәкімбек Салықов өзінің ойы мен сезімін көркем түрде жеткізеді.

Қазақша өлең мәтіні, өлең жолдары және толық нұсқасы.

admin
20.11.2024
0
0
541

Памирге алыс шақырған,
Сүйсінтті құштар әуенің.
Бір әннен мыңға татыған
Махаббат көрдім әлемін.
Ақ тілек бұл да бергені,
Кездессең кенет осылай.
Тарқады көңіл кермегі,
Сайрасаң тауда тотыдай.
Қауіпті жолдар жеткізген,
Сәт келді құтты таңды арбап.
Жұмағи мезет өткізген,
Шырайың жанды жан баурап.
Сәмбі тал балқып бұралды,
Қарады төмен шың басы.
Шыбын жан құштар бір әнді
Шырқашы, қайта шырқашы.
Қорықпаймын жорта бұруды
Жеңілтек достар таратса;
Күнә ғой сүймеу сұлуды
Ақын ғып Алла жаратса.

28.09.1983.
Памир

Кәкімбек Салықов күнә ғой сүймеу сұлуды Кәкімбек Салықов өлеңдері

Пікірлер (0)

Пікір қалдырыңыз

Жиі қойылатын сұрақтар