Өлең, жыр, ақындар

Есілге қонды Елорда

  • admin
  • 22.11.2024
  • 0
  • 0
  • 288
Өзендер қайда Есілдей?!
Тасқыны – өмір көшіндей.
Атақты «Жекебатырдай»,
Жатпайды еркін көсілмей.
Қайда бар өзен Есілдей?!
Тыншымас мұздан шешінбей.
Көк толқын ақ жал бұлқынған
Сұлудың мамық төсіндей.
Қуантты Есіл талайды,
Жарылқап жатыр маңайды.
Қостанай, Көкше, Түменге
Есілдің суы тарайды.
Алқа ағаш – аппақ орманы,
Ақ бидай – өрде орғаны.
Жағасында – Қызылжар,
Түстікте елдің қорғаны.
Сарыарқаның төсінде,
Әлемнің озық көшінде,
Астана келіп орнады
Көгілдір, көркем Есілге.
Серпілтсем ешбір қысылмай,
Молшылық – жазым, қысым – бай.
Есілге қонды Елорда
Қазақтың бақыт құсындай.

15.04.2012.
Астана



Пікірлер (0)

Пікір қалдырыңыз

Аңшыға

  • 0
  • 0

Аңшыға - Кәкімбек Салықов
Жәңгір аға!
Шаршадым тас қиратып,
Қырға кенім жөнелді тасқын атып.

Толық

Есілге қонды аққулар

  • 0
  • 0

Есілге қонды аққу-қаз,
Ақ қанат сылқым сусылдап.
Жағада тұрып болдым мәз,
Кәкімбек Салықов

Толық

Алыстап барамын жағадан

  • 0
  • 0

Кең жалған әр күнін санаған,
Көңілде қобалжу, бар алаң.
Туған жер, көркіңнен көз жазып,
Алыстап барамын жағадан.

Толық

Қарап көріңіз