Кәкімбек Салықов

Абылай ханның алаңында

Бұл бетте «Абылай ханның алаңында» атты Кәкімбек Салықов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

admin
22.11.2024
0
0
597

Бурабайда «Абылай ханның алаңы»,
Байтақ елге атағы тез тарады.
Сұлу Көкше, орман-тоғай, Оқжетпес
Қоршап тұрған тәуелсіздік аралы.
Әсем белгі, мұнара сәнді, зәулім,
Аңдатып тұр тұңғыш Президент дәуірін.
Табиғатқа, хан атына лайық,
Жайнатып тұр кербез таудың бауырын.
Хан алаңын көру кірсе заңыма,
Кім қызықпас Абылайдың тас тағына?
Орнатыпты өз қолымен табиғат
Кең алаңның ең биіктеу жағына.
Ақындыққа сәт серік боп ергендей,
Ғадетім бар құбылыстарды тергендей.
Табиғи тас,
Ханға лайық, сәнді етіп,
Қолдан құйып, Тәңірім жасап бергендей.
Жаңа өмірде талай белгі жаңғырар,
Жаңғырар да сан ұрпақты таң қылар.
Таң қылар да Абылай ханның рухы
Әр жүректе өшпес белгі қалдырар.

04.01.2008

Кәкімбек Салықов Оқжетпес Бурабай Абылай ханның алаңы абылай ханның алаңында Кәкімбек Салықов өлеңдері

Пікірлер (0)

Пікір қалдырыңыз

Жиі қойылатын сұрақтар