Өлең, жыр, ақындар

Көкшетау – дархан, думан жер

  • admin
  • 24.11.2024
  • 0
  • 0
  • 345
Тау жетпес Көкшетауға жер бетінде,
Сөз жетпес теңеу болар келбетіне.
Саясы сексен көлдің жаралыпты
Жүректің жұқа жерін емдетуге.

Қайырмасы:

Мақтауға татыр,
Ерледі батыр
Абылай алаң құрған жер.
Көк майса өрі,
Ән-жырдың төрі
Көкшетау – дархан, думан жер.

Көк мұнар көсем таулар кербез, асқақ,
Ту тіккен бар қазаққа ұран тастап.
Оқжетпес, Сырымбеттер туған екен
Өтуге сұлулықтың көшін бастап.

Қайырмасы.

Қазақтың тарихы бар әр тасында,
Жаңғырды Ақан әні жартасында.
Жалындай Құлагердің желкілдейді
Көшкен бұлт көкшіл таулар алқасында.

Қайырмасы.

1992



Пікірлер (0)

Пікір қалдырыңыз

Әр күннің өз жүгі бар

  • 0
  • 0

Дүйсенбіде қауырт істер желеді,
Сейсенбіде бос сергелдең жеңеді.
Сәрсенбіде тағдыр барын береді,
Бейсенбіде жырға батқым келеді.

Толық

Алыстап барамын жағадан

  • 0
  • 0

Кең жалған әр күнін санаған,
Көңілде қобалжу, бар алаң.
Туған жер, көркіңнен көз жазып,
Алыстап барамын жағадан.

Толық

Құлагерге

  • 0
  • 0

Құлагерге - Кәкімбек Салықов
Беу-беу, шіркін!
Қайран Құлагерім-ай!
Терең көл боп кеппей жатқан терің-ай.

Толық

Қарап көріңіз