Даналар сүйген есімдер

Қазақша өлең мәтіні, өлең жолдары және толық нұсқасы.

Орыста Татьянадан есім аспас,
Құдайдың сүйген құлы тегін баспас.
Құмартқан, ынтық, құштар жас жүректің
Өзге есім тап осындай емін таппас.
Мүлтіксіз таза сұлу Анна Керн,
Таңдантты-ау данышпанды кербез керім.
Тамсантып, бір көргенде ғашық етті
Тең бөліп қос жүректің мұң мен шерін.
Қазақта есім аспас Қыз Жібектен,
Сұлу сол ғасырларды дүбірлі еткен.
Теңейміз сүйген жарды Қыз Жібекке
Махаббат майданында ғұмыр шеккен.
Теңселтсек көкіректегі теңіз-сырды,
Әлемде кей есімдер негіз құрды.
Джульетта екі көзге елестесе,
Есіңе бір аласың Шекспирді.
Беу, Пушкин!
Басындасың асыл жолдың,
Ғашықтық әлемінде тасып-толдың.
«Евгений Онегинді» аударып ем,
Мен сенің Татьянаңа ғашық болдым.
Байқатқан қиял-ғайып шың төбесін,
Ұрпаққа сабақ болар бұл кеңесім.
Сағынтып кейде адамды шыдатпайды
Әлемде данышпандар сүйген есім.


Пікірлер (0)

Пікір қалдырыңыз

Жиі қойылатын сұрақтар

Даналар сүйген есімдер өлеңінің авторы кім?

Кәкімбек Салықов — осы өлеңнің авторы.

Даналар сүйген есімдер өлеңінің толық мәтінін қайдан оқуға болады?

Бұл бетте өлеңнің толық мәтінін онлайн оқуға болады.

Даналар сүйген есімдер өлеңі не туралы?

Бұл өлеңде Кәкімбек Салықов өз ойы мен сезімін көркем түрде жеткізеді.

Даналар сүйген есімдер өлеңінен үзінді бар ма?

Бұл бетте өлеңнің толық мәтіні мен шумақтары ұсынылған.

Осы автордың басқа өлеңдері