Өлең, жыр, ақындар

Бурыл тартқан шашыма біреу күйінсе

Бурыл тартқан шашыма біреу күйінсе,
Ішіме сыймай, мырс етіп күлкім жеңеді.
Ақ шашыма қызығып біреу сүйінсе,
Жаныма рахат, бой жазар жылу енеді.
Шашымда менің жылтыраған қара жоқ,
Секілдімін көп жылқыда дара көк.
Жас келіншек сәлемдессе: «Ата!» – деп,
Бойым қызып, жүрегімде жанады өрт.
Жыр тәуірін әкеледі құба таң,
Сол шаттықпен өзімді өзім жұбатам.
Күндіз көрген көп адамның ішінде:
«Аға!» – деген аруларды ұнатам.
Мың толғанып,
Шомылсам ойға жай тауып,
Қарттық, шіркін, қалыпсың ғой байқалып.
Жасару жоқ, жүзге қарай аяңдап
Жүріп келем өлеңмен қару қайтарып.

08.04.2012


Пікірлер (0)

Пікір қалдырыңыз

Татулыққа кезің жоқ көніспеген

  • 0
  • 0

Татулыққа кезің жоқ көніспеген,
Жан құпия... от сезім бөліскен ем.
Тәтті түстей өтеді еске түсіп,
Сәтті күндер махаббат өрістеген.

Толық

Текелі

  • 0
  • 0

Жарқырап жатса
бұрқырап гүлдер жолдағы,
түседі еске Текелі.
Кәкімбек Салықов

Толық

Бошай кітапбаевтың айтқаны

  • 0
  • 0

Ән көтеріп тұрғандай­ақ бұл ғалам,
Әншілерге жақын жүрем бір табан.
Сұлу саздың керектігін байқадым
Басқарма боп жүрген кезде тыңдаған.

Толық