Өлең, жыр, ақындар

Бас көзімен қарасаң, нәпсі – жалған...

  • 14.04.2015
  • 1
  • 2
  • 30387
Бас көзiмен қарасаң, нәпсi – жалған,
Бiр сұлу қыз сықылды жұрт таңданған.
Анық ақыл көзiмен қарағанда,
Өзiн берер қалыңға ол қызды алған.
Қылықты қыз сияқты көрiнсе де,
Өлшеусiз сансыз байдан жесiр қалған.
Күнiнде қызыл гүлдей жүз күлсе де,
Сырт айланса, жүрекке жалын салған.
Бас алуға жаралған бiр жәдiгөй
Өткiр қылыш сықылды уға малған.
Өлмей адам осыдан құтылар ма,
Неге қылып жүргемiз өлiмдi арман?
Нәпсi үйiнде байлаулы ынсап жатыр,
Мұның емi – тегiнде, сол босанған.
Сопысынып‚ ақсынып әуре болмай,
Ер болсаң, босатып ал сол зынданнан.
Ақыл, ғылым әр түрлi айтса-дағы
Жиыны осы сөзбен аяқталған.
 



Пікірлер (2)

Аюб

Шарх керек сияқты... ;3

Пікір қалдырыңыз

Бостандық туы жарқырап

  • 1
  • 2

Бостандық туы жарқырап,
Еркіндік суы сарқырап.
Байқұс қазақ осыдан
Қана ала ма бас құрап.

Толық

Жуандар

  • 2
  • 1

Жуандар, елді билеп не қылмақсың,
Өздеріңе айтқызсаң – әділ-ақсың.
Мен қарасам, сендердің бетің теріс,
Әбден асып, ақ жолдан адаспақсың.

Толық

Өлімнің хақ екенін көрсең де

  • 0
  • 2

Өлімнің хақ екенін көрсең де,
Өлместей омыраулап шатасың.
Доздақтың барын біліп жүрсең де,
Күнәға, әлің келсе, батасың.

Толық

Қарап көріңіз

Басқа да жазбалар

Пікірлер