Кәкімбек Салықов

Бақыт деп білем өзіңде өткен әр күнді

Бұл бетте «Бақыт деп білем өзіңде өткен әр күнді» атты Кәкімбек Салықов жазған бақыт туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

admin
26.11.2024
0
0
555

Сүйемін, Көкше, бауырмал таза салтыңды,
Көркіңнен көркем бірталай өлең, ән туды.
Көлде аққу-қаз сырнайлатса саңқылдап,
Бола түстің күннен-күнге тартымды.
Сексен көлді «Гәккулеп» құстар тойлаған,
Сондайда түсті таңғажайып ой маған.
үз келсе де маңайдың бәрі тамаша,
Жезкиік өтті жаз бойы мені ойлаған.
Ақ қайың ғажап, аумайды таныс арудан,
Желпініп қарап, болады мұңға салынған.
Қоштасарда ақ білегін кең жайып,
Сездірмейді жүрегін қаққа жарылған.
Сыйлаймын, Көкше, күз келсе қоңыр салқынды,
Сеземін сергек бойымда жаңа қарқынды.
Қысың да жақсы аязды аппақ қарымен,
Бақыт деп білем өзіңде өткен әр күнді.

09.08.2000.
Бурабай

Кәкімбек Салықов бақыт Көкшетау туған жер туған ел бақыт деп білем өзіңде өткен әр күнді Кәкімбек Салықов өлеңдері

Пікірлер (0)

Пікір қалдырыңыз

Жиі қойылатын сұрақтар