Өлең, жыр, ақындар

Қайдасыңдар?

  • admin
  • 26.11.2024
  • 0
  • 0
  • 509
Тәңірі – қыздар!
Қайдасыңдар?
Не болды?
А.С. Пушкин

Қыз тәңірі, беу, құрбылар,
Қайдасыңдар? Не халде?
Бір көруге қылдыңдар зар,
Жол тоғыспай әуелде.
Сау ма көрік, жанарларың,
Жарқ еткенде жан алған?
Жетпей қойды хабарларың
Жанға рахат саналған.
Қандай екен тұлғаларың
Ерке сылқым еліктей?
Бұрса тағдыр шын назарын,
Көрер едім зерікпей.
Шыдау қайда жігерленбей,
Қалсам, шіркін, бір көріп.
Айырбастап жібергендей,
Кеттіңдер ме өзгеріп?
Балдырған қыз өңдеріңді
Жадымда есен сақтадым.
Өлең етіп өздеріңді,
Ақ тілекті ақтадым.
Жүрген күндер түсер көзге
Тай-құлындай желіде.
Болғам жоқ қой мүлдем өзге,
Танырсыңдар мені де.
Көктем де өтті балбырап,
Жадырап жаз да қоштасты.
Қалжырап қайтем абдырап,
Алтын күз берік достасты.
Көп өзгердім мен жырақта,
Шашым аппақ,
Қудаймын.
Кездесе қалсаң...
Бірақ та
Жақын тартпай тұрмаймын.

10.08.2000.
Бурабай



Пікірлер (0)

Пікір қалдырыңыз

Құрманғазы – кемеңгер

  • 0
  • 0

Құрманғазы – кемеңгер
Құлақ салшы «Сарыарқа» мен «Серперге»,
Дауыл күйлер ұран болып жетті елге.
Кәкімбек Салықов

Толық

Құнанбайдың шқбересі Тамерлан

  • 0
  • 0

Құнанбайдың шқбересі Тамерлан
Құнанбайлар қазақта өскен әулет.
Құдай оңдап ортаймас біткен дәулет.
Кәкімбек Салықов

Толық

Аққусың жел сындырған қауырсынын

  • 0
  • 0

Аққусың жел сындырған қауырсынын,
Беу, қалқа!
Тағдыр артқан ауыр сырың.
Кәкімбек Салықов

Толық