Өлең, жыр, ақындар

Көл шетінде кешқұрым

  • admin
  • 26.11.2024
  • 0
  • 0
  • 474
Бурабай кеші – Тәңірімнің құрметі,
Естен кетпес таңғажайып суреті.
Келіншектей көк шымылдық ішінен,
Тау басынан сығалайды Күн шеті.
Шығыс жаққа жарық молдау тұр түсіп,
Бұлттар өтті Оқжетпесті бір құшып.
Айдындағы «Гәккулетті» аққу-қаз,
Кетер ме екен ақша бұлтпен бірге ұшып?!
Барша жанға тек жақсылық тіледім,
Жоғалтпадым көп аққудың легін.
Бурабайға алғыс айттым ішімнен,
Баурайынан ләззат алды жүрегім.
Жар салғандай қоштасуға шақырып,
Судан балық шоршып шықты атылып.
Тыңдай қалды жағадағы бар адам,
Құстар әні мұңлы әуенге батырып.
Айдын қалды беті ашылып, жаңарып,
Мен балқыдым әкетердей ән алып.
Әудем сәтте құстар кетті алыстап,
Көп ойлантты дүние қайта жаралып.
Орнағандай әнсіз жерде таршылық,
Жаутаң қақты жағадағы талшыбық.
Орман-тоғай ойға түсіп мүлгіді,
Өлі тірлік тыныштыққа малшынып.
Көңіл бастым
Ауылдасқа жолығып,
Қиял қостым
Бар сырымды ол ұғып.
Мыж-мыж болып
Соңғы алтын шапағы,
Күн де батты
Жақсы адамдай көз жұмып.

11.08.2000.
Бурабай



Пікірлер (0)

Пікір қалдырыңыз

Барша қазақ бірлігінің белгісі

  • 0
  • 0

Қан майданда фашизмді қиратып,
Адамзатты өткен қатты сыйлатып,
Тірі күнде аты аңызға айналған,
Осынау жерде жатыр Жәлел Қизатов.

Толық

Шөберем менің Әділге

  • 0
  • 0

Шөберем келді өмірге,
Сағындырып, аңсатып.
Орнады жайлау көңілге,
Жүрекке қонды бар шаттық.

Толық

Сәбит аға кемеңгер

  • 0
  • 0

Сәбит аға кемеңгер
Ағындаса жел жетпес құлагердей,
Тартынбады алға үздік шыға келмей.
Кәкімбек Салықов

Толық

Қарап көріңіз