Өлең, жыр, ақындар

Қара өлеңмен жазылған романс

Кешіп өтсем дарияның кең өткелін,
Мен өткенде қасымда сен өтпедің.
Соның бәрі басылар кездескенде,
Ұмыт болар ұмытпай мезі еткенім.
Реніште құлдырап қамықпаймын,
Терең жатыр жан қинар анық қайғым.
Қинап-қинап соғады ақ қуаныш,
Айдын кезген ақ құстай қалықтаймын.
Қалықтаймын, күлемін аман қонып,
Шарықтаймын шаттыққа санам толып.
Қуаныш пен реніш алмаспаса,
Жүрер ме едік жер басып адам болып?
Көрінгені көктемдей жаз аяғы,
Сұлу екен дидарың бәз-баяғы.
Кездесейік тағы да, кездеспесек
Тіршіліктің қызығы азаяды.

1992


Пікірлер (0)

Пікір қалдырыңыз

Кездескенде қырымда

  • 0
  • 0

Теңізге келдім өр жойқын,
Жүруші ем мауқым басылмай.
Бұрқырап жатыр көк толқын
Әбіштің бұйра шашындай.

Толық

Ұлттық мүдде жаршысы

  • 0
  • 0

Құттықтап үш жиырма бес жасыңменен,
Аманжол, Алдыңда тұр асыл белең.
Сен­дағы құр алақан келген жоқсың,
Сырың мол ескі, жаңа ғасырменен.

Толық

Айтқанымды орында

  • 0
  • 0

Айтқанымды орында
Басқаша жауап табылса,
Кедергі болман көмейге.
Кәкімбек Салықов

Толық