Өлең, жыр, ақындар

Заман-ай!

Біржан салдан жаттаған жаным іңкәр,
Сүйіп шырқар әнім бар – «Жамбас сипар».
Сұлу көрсем, құс ілер ақ тұйғындай,
Бір сипамай қоймайтын мен де қиқар.

Қайырмасы:

Қарақат көзі танадай,
Қыз қалған жоқ қарамай.
Өтті-ау, кетті-ау сол дәурен,
Махаббат, шаттық мол дәурен.
Ой-хой, шіркін, заман-ай!

Ақан сері жолында жетілгеннен,
Қызсыз жерді салтым бар жетім көрген.
Маған ғашық сұлуды тез танимын
Балқадиша перизат секілденген.

Қайырмасы.

Балуан Шолақ дегенде жастық шақты
Еске аламын қылыштай алтын сапты.
Қыз-келіншек дегенде дамыл таппас
Асаулығым бұл күнде салқын тартты.

Қайырмасы.

Шал ақындай дәлдетсем анық басып,
Ерте жетті ер жігіт қанық нәсіп.
Қызылжардың сұлуы іздеп келді,
Әкеткем жоқ Мәскеуге алып қашып.

Қайырмасы.

1994


Пікірлер (0)

Пікір қалдырыңыз

Біздің ауыл қыздары

  • 0
  • 0

Біздің ауыл қыздары
Көрші қызбен ерте ойнап, ерте күлдік,
Естеліктер аз емес ерке күндік.
Кәкімбек Салықов

Толық

Ақ тырналар

  • 0
  • 0

Барады аспандатып ақ тырналар,
Тізілген бұлт төсінде ақ сырғалар.
Кетті ғой жылы жаққа жаутаң қағып,
Кәкімбек Салықов

Толық

Майраға

  • 0
  • 0

Майраға - Кәкімбек Салықов
Бір қызым бар маңдайыма жазылған,
Бір ұлым бар кенші болып танылған.
Жалғыз ғана жан жарым бар қасымда,

Толық