Өлең, жыр, ақындар

Заман-ай!

  • admin
  • 26.11.2024
  • 0
  • 0
  • 301
Біржан салдан жаттаған жаным іңкәр,
Сүйіп шырқар әнім бар – «Жамбас сипар».
Сұлу көрсем, құс ілер ақ тұйғындай,
Бір сипамай қоймайтын мен де қиқар.

Қайырмасы:

Қарақат көзі танадай,
Қыз қалған жоқ қарамай.
Өтті-ау, кетті-ау сол дәурен,
Махаббат, шаттық мол дәурен.
Ой-хой, шіркін, заман-ай!

Ақан сері жолында жетілгеннен,
Қызсыз жерді салтым бар жетім көрген.
Маған ғашық сұлуды тез танимын
Балқадиша перизат секілденген.

Қайырмасы.

Балуан Шолақ дегенде жастық шақты
Еске аламын қылыштай алтын сапты.
Қыз-келіншек дегенде дамыл таппас
Асаулығым бұл күнде салқын тартты.

Қайырмасы.

Шал ақындай дәлдетсем анық басып,
Ерте жетті ер жігіт қанық нәсіп.
Қызылжардың сұлуы іздеп келді,
Әкеткем жоқ Мәскеуге алып қашып.

Қайырмасы.

1994



Пікірлер (0)

Пікір қалдырыңыз

Шәйкеновтің жан жарғысын оқысақ

  • 0
  • 0

Меңіреу уақыт,
Қабағыңды аш, қалғыма,
Әкелемін жақсы адамды алдыңа.
Нағашыбай дәстүр сыйлар от берді,

Толық

Вахш ағып барады

  • 0
  • 0

Вахш ағып барады буырқанып,
Жасыру жоқ бойымда сезімді анық.
Сылаң қаққан қараймын бүлкіліне,
Кәкімбек Салықов

Толық

Шахтёр мен ғарышкер

  • 0
  • 0

Шахтёр мен ғарышкер
Байқоңырдан еркелеп жел еседі.
Жезқазғанның забойларын кешеді.
Кәкімбек Салықов

Толық

Қарап көріңіз