Өлең, жыр, ақындар

Көкшетау театр ашқанда

  • admin
  • 26.11.2024
  • 0
  • 0
  • 236
Ассалаумағалейкум, Көкшетауым!
Елге құт, маған бақыт есен-сауың.
Қуаныш құтты болсын театр ашқан,
Өнерге орда құрдың, өсер қауым!
Қазақтың сал-серілік бас қаласы,
Атандың ақындықтың астанасы.
Біржан сал, Ақан сері, Үкілі Ыбырай...
Құт дарын шоғырланды бастамасы.
Жүрекке жүлде байлар таптың дәрі,
Елге аян Мағжан, Сәкен сақ тыңдары.
Дүбірі Құлагердің естілгендей,
Саңқылдар сексен көлдің аққулары.
Асып тұр арнасынан дария-өлең,
Мақтанам жан толқытар жаңа ұямен.
Сәнді етіп сахнаға талай шығар
Әндетіп Балуан Шолақ Ғалиямен.
Сал Көкше нұры жанса театрланып,
Жақандай тебіренбесін ақын не қып?
Нар жүгін тік көтерген қан майданда,
Дәл бүгін бір сілкінер батыр Мәлік.
Шаттанса ақын жүрек ұшады екен,
Құлшынды ел аңсаған құса мекен.
Тап бүгін қатты ұйқыдан аунап түсер
Ақтұйғын ағаларым –
Мұса, Көкен.
Театр «Абылайлап!» ағындатсын,
Жөптердей Шоқан атам бабын тапсын.
Қазақтың жаңа ашылған өнер көші
Толқытып Сарыарқаны дабыл қақсын!
Ер Көкше!
Таңғажайып жаңаландың,
Кең сарай аштың төрін жаңа алаңның.
Сахна саңлақтары,
Самға,
Заула,
Аруағы жебеп жүрсін даналардың!

31.01.2004.
Көкшетау



Пікірлер (0)

Пікір қалдырыңыз

Дүние

  • 0
  • 0

Дүние көріп жүрмін дауылыңды,
Көтердім арқалатқан ауырыңды.
Өзімді аямадым ажал бар деп,
Кәкімбек Салықов

Толық

Әкім болу оңай емес бұл күнде

  • 0
  • 0

Әкім болу оңай емес бұл күнде
Ел басқару оңай емес бұл күнде,
Көбейді ғой бөріні алдар түлкің де.
Кәкімбек Салықов

Толық

Айгүлдің күй тартқаны

  • 0
  • 0

Айгүлдің күй тартқаны
Өлі оянып күш бітердей тіріге,
Әу дегеннен қос ішек кетті біріге.
Кәкімбек Салықов

Толық

Қарап көріңіз