Кәкімбек Салықов

Сұлулық ұмытуға көнбейді екен

Бұл бетте «Сұлулық ұмытуға көнбейді екен» атты Кәкімбек Салықов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

admin
01.01.2025
0
0
510

Көз шалса жанарыңды тостағандай,
Ұмыттым келгенімді жасқа қандай.
Еске алдым ақ жүзіңді бала күнгі,
Сұлулық бір бүлікке бастағандай.
Тосқандай нұрлы көктем гүл ғажабын,
Басталды-ау қызға арнап жыр жазар күн.
Өлеңге қосып іңкәр әр мезетті,
Басушы ем құштарлықтың мың азабын.
Аққудай айдын көлде жем тілеген,
Барлаймын келбетіңді елжіреген.
Дәмелі қайран жүрек жай табады,
Ұмсынса қос қарақат мөлдіреген.
Білмеген осындайда сенбейді екен,
Қайтейін, сенімсізге көнбей өтем.
Шіркін-ай, қанша жасқа келсең-дағы,
Сұлулық ұмытуға көнбейді екен.

2010.
Көкшетау

Кәкімбек Салықов сұлулық сұлулық ұмытуға көнбейді екен Кәкімбек Салықов өлеңдері

Пікірлер (0)

Пікір қалдырыңыз

Жиі қойылатын сұрақтар