Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Шырқашы, қалқа, шырқашы!

Кәкімбек Салықов

Шырқашы, қалқа, шырқашы!

  • admin
  • 01.01.2025
  • 0
  • 0
  • 303
Шырқашы, қалқа, шырқашы,
Жөнделсін күйім самарқау.
Оянсын көңіл ынтасы,
Тұтансын сөнген жанартау.
Жүзіңе дәлдеп қарайын,
Жұлдыздай естен тандырған.
Шырқашы, ләззат алайын,
Тілегім сол ғой тағдырдан.
Толқысын, келсін бабына,
Балқысын денем, нұр шарпып.
Дертімді батқан жаныма
Әніңмен берші жұмсартып.
Шырқашы өзек жандырып,
Бір күйіп, бірге жанайын.
Қалайын құмар қандырып,
Сүйсінтіп сұлу арайың.
Үніңнен сәуле жияр ем,
Сәскедей көріп іңірді.
Бір мезет үшін қияр ем
Қызыққа тоймас ғұмырды.

2002

Кәкімбек Салықов шырқашы қалқа шырқашы! Кәкімбек Салықов өлеңдері

Пікірлер (0)

Пікір қалдырыңыз

Досқа сыр

  • 0
  • 0

Бермедің деп зор бақыт,
Аллаға жүк артпайық.
Бөтен сөзді тоқтатып,
Қолдағы барды сақтайық.

Толық

Кенші сыры

  • 0
  • 0

Кенші сыры - Кәкімбек Салықов
Беу, муза!
Ен шабытқа бөледің бе?!
Бармаспын ел сырынан бөлек үнге.

Толық

Жер төресі – атамекен киелім

  • 0
  • 0

Жер төресі – атамекен киелім,
Жезқазғанды дәл өзіңдей сүйемін.
Ата-баба аруағы дарыған
Кәкімбек Салықов

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер