Кәкімбек Салықов

Атағын берсін Ғабеңнің

Бұл бетте «Атағын берсін Ғабеңнің» атты Кәкімбек Салықов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

admin
01.01.2025
0
0
397

(Оңдасын Әшімовке)

Ғабит аға тойында
Оңдасын бізді басқарды.
Динаға құрмет бойында,
Бұлжытқан жоқ жоспарды.
Бәйкеннің ұлы екені
Қимылында үдеп тұр.
Қызылжарда мекені,
Университетте ректор.
Алғыр ұл туар тектіден,
Өмірдің міндет артқаны.
Қуаныш осы деп білем
Әкеге бала тартқаны.
Көліктері күтімді,
Тайбурылдай шабысты.
Әр сөзі берік ұтымды,
Жібермес босқа намысты.
Сүйсініп достар үндемей,
Көтеріп жатыр көңілді.
Шыдамай кетті-ау тіл-көмей,
Алғысым жыр боп төгілді.
129
Зор тойды көрдік анықтап,
Жолбасшы болдың, Оңдасын.
Не дейін, даңқың шарықтап,
Жолыңды Тәңірім қолдасын!
Тәлімгер, ғалым қашанда
Үздігі болғай әлемнің.
Әкеңдей мығым бас алға,
Атағын берсін Ғабеңнің!

15.06.2002.
Ғабит Мүсірепов ауылы

Кәкімбек Салықов атағын берсін ғабеңнің Кәкімбек Салықов өлеңдері

Пікірлер (0)

Пікір қалдырыңыз

Жиі қойылатын сұрақтар