Өлең, жыр, ақындар

Өмірің үлгі ұрпаққа

  • admin
  • 01.01.2025
  • 0
  • 0
  • 54
(Еңбек Ері Ғазиз Омаровқа)

Өзін өзі нық ұстайтын қашанда
Мықтыларды сүйемін,
Құлаш ұрған елге еңбек жасауға
Құттыларды сүйемін.
Беу, мықтылар! Қуат бердің гүлдесем,
Қөп жасаңдар, арыстар.
– Жезқазғанның жігіттері кім? – десең,
Олар – шымқай Қаныштар.
Ғазиз, Мұхит, Далабайым бар менің,
Бір көрмесем сағынар.
Қопарғандар Жезқазғанның бай кенін,
Өмірханым тағы бар.
Түсіпбекке, Әбікенге табындым,
Көріп жойқын берікті.
Садық пенен Балғабайды сағындым,
Жолдасбекті, Серікті...
Оразбектер ауыр күнді көп көрді,
Тежемеді шабысын.
Кен қазудың тауқыметін өткерді,
Қорғады ел намысын.
Сендерсіңдер татқан дәмін азаптың,
Тар белбеулі кең шідер.
Сендерсіңдер діңгектері қазақтың,
Аға буын кеншілер.
Ғазиз аға, құтты болсын жетпісің,
Шық осынау жыр-таққа.
Зор діңгектің біреуімін деп түсін,
Өмірің үлгі ұрпаққа.
Кенші ағалар!
Алдымдағы арыстар,
Сендер барда
Жезқазған бар, Қаныш бар!

1995



Пікірлер (0)

Пікір қалдырыңыз

Карузосы көкшенің

  • 0
  • 0

Ақан сері, Біржан салдың ізімен
Ән салғанда нұр шашатын жүзінен.
Толғанатын, тебіренетін, балқитын,
Кездескендей төрде хордың қызымен.

Толық

Серіліктен биік тұрған кемеңгер

  • 0
  • 0

Мұхиттарда дауыл кешкен кеме дер,
Сегіз сері –
Асқан талант, ерен ер.
Серіліктен азаматтық жолы кең,

Толық

Ақ тілек

  • 0
  • 0

Ақ тілек - Кәкімбек Салықов
Қызым бар, қыз десек те ұлдан артық,
Ерке өсті, өзімізге туған тартып.
Әрі аға, әрі іні – жалғыз ұл бар,

Толық

Қарап көріңіз