Өлең, жыр, ақындар

Аққу әні

  • admin
  • 01.01.2025
  • 0
  • 0
  • 1682
Жылжиды аққу айдында, жылжымайды,
Мұңаяды ол неге, тұнжырайды?
Сыңсып салған әніне тебіреніп,
Қамыс басы қамығып, су жылайды.
Су жылайды, тұнжырайды.
Жылжиды аққу айдында, жылжымайды.
Қалқиды аққу айдында, қалқымайды,
Баяғыдай бой жазып шалқымайды.
Сыңарынан айрылып қалған күні
Бұл өмірдің қызығы жартылайды.
Жартылайды, шалқымайды.
Қалқиды аққу айдында, қалқымайды.
Сырғиды аққу айдында, сырғымайды,
Жақын барып хал-жайын кім сұрайды?
Қатар жүрген күндерді сыйлайықшы,
Біреу ерте, біреу кеш, бір құлайды.
Бір құлайды, кім сұрайды?
Сырғиды аққу айдында, сырғымайды.



Пікірлер (0)

Пікір қалдырыңыз

Өтер де кетер сұм жалған

  • 0
  • 0

Өтер де кетер сұм жалған,
Басыңда мәңгі тұрмайды.
Көз жасы ішке бір тамған
Тұла бойды улайды.

Толық

Сәлем бердік Шоқанға

  • 0
  • 0

Лүпілін жүрек түсінді,
Тосқандай алда мол мұра.
Сан көрме бірге ұсынды
Бабалар өскен Омбыда.

Толық

Ауыл романсы

  • 0
  • 0

Ауыл романсы
Хан болып күшейгендей таққа мініп,
Мал баққан түндер қайда атқа мініп?!
Кәкімбек Салықов

Толық

Қарап көріңіз