Өлең, жыр, ақындар

Есімін жылдар жасырмас

(Сәкен Жүнісовке)

Көз жұмды өнер пырағы,
Қазақтың ғажап дүлдүлі.
Самғауық қыран құлады,
Бұлт жарған асқақ тынды үні.
Шаршы топ тұрар бас иіп,
Сол еді-ау жігіт озығы.
Заңғарға жетті ең биік,
Өзі ірі саңлақ, сөзі ірі.
Сағымнан шықты жалындап
«Жапандағы жалғыз үй».
«Ақан сері» ағындап,
Ел-жұрттан Сәкен алды сый.
Құлагер мұңын қозғаған,
Шұрқырап шықты құлындай.
Болса да Ақан өз бабам,
Жалғасты Сәкен ұлындай.
Сан қилы өнер тоғысты,
Сергітіп дала жарысы.
Таңдантты қазақ, орысты
Италияшыл әсем дауысы.
Тұлпар сол жайнар шапқанда,
Қай думан оны қарсы алмас?!
Абайдың әнін айтқанда
Алдына тірі жан салмас.
Таппады таныс бірауық,
Драмаға терең бойлады.
Сұм жалған ескен шырмауық
Шырмамай оны қоймады.
Өнерін көптен асырса,
Сері еді жанға бас ұрмас.
Қара жер көзден жасырса,
Есімін жылдар жасырмас.

21.04.2007.
Астана


Пікірлер (0)

Пікір қалдырыңыз

Есләм Зікібаевқа

  • 0
  • 0

Есләм Зікібаевқа
Қырандай Жалғызтаудан шарықтаған,
Ақжолтай әр қадамың анық маған.
Шаттандым - Кәкімбек Салықов

Толық

Бастан кешкен ащы өмір

  • 0
  • 0

Бастан кешкен ащы өмір
Ерте үйретті сабағын.
Нұр төгер деп қай көңіл,
Қадалып көп қарадым.

Толық

Астанаға ол бүгін сәлем берді

  • 0
  • 0

Астанаға ол бүгін сәлем берді
Марат деген сазгер бар Жезқазғанда,
Ән толқытар әр сөзге шөл қанғанда.
Кәкімбек Салықов

Толық