Өлең, жыр, ақындар

Манаштай адал дос қайда?!

  • admin
  • 03.01.2025
  • 0
  • 0
  • 661
Тобылға жеттім толғанып,
Лүпілін жүрек қолға алып.
Манаштай адал досты ойлап,
Сағыныш кетті молданып.
Айданда құстар шулайды,
Қаңқыл мен саңқыл тынбайды.
Оралған құстар қуантса,
Оралмай досың қинайды.
Мінезін жаным қолдайды,
Жолыма меже жолдайды.
Жүз досым тірі жүрсе де,
Манаштай бірі болмайды.
Тұлпары шалқар даланың,
Таңдантып өтті заманын.
«Ермакты» «Ақсу» етудің
Ақылмен тапты амалын.
Талай жыл қалған қапталып,
Кең ашты терең ақтарып,
Ақтаңдақ жерін тарихтың
Қалардай мәңгі жатталып.
Аптығын басар есердің,
Үздігі болды-ау шешеннің.
Арманы қонды бойына
Ахметтей дана көсемнің.
Жағаңа, Тобыл, қонайын,
Аймақты жырға орайын.
Аңсатқан асыл досымды
Бір көргендей болайын.

06.08.2013.
Астана



Пікірлер (0)

Пікір қалдырыңыз

Жүрегіме

  • 0
  • 0

Жүрегім, неге асығыс дүрсілдейсің?
Әлде зор қатер барын білсін дейсің.
Тигендей жайдың оғы бұлты жарып,
Кәкімбек Салықов

Толық

Балалық шақ белгісі

  • 0
  • 0

Балалық шақ белгісі
Түскем жоқ футбол қуып екі дайға,
Көрмедім асықты да тегін пайда.
Кәкімбек Салықов

Толық

Адамшылық азайып бара жатыр

  • 0
  • 0

Адамшылық азайып бара жатыр
Өзгерсе өмір жаңғырған тысқы қалпы,
Кей ожардың ойлантты ішкі салты.
Кәкімбек Салықов

Толық