Менің музам – Aminaturdakhun

Айналамнан мың мықтылар көрінген,
Мықтыларға орын бергем төрімнен.
Шабыт шашып шалқамнан ұшырады,
Көрсем сені түсім емес, өңімнен.

Көрсем сені жымиғаның әр берген,
Жанарың мен күлкің сені сәндеген.
Құмар болдым, қуаттандым, құлшындым.
Бір өзіңсің өң бойыма нәр берген.

Көрінеді күндерім менің қараң боп,
Ойлағым келмейді
Бірақ менің шарам жоқ.
Көп ішінен көгім болып көрінген,
Тесіп өттің көкейімді амал жоқ!

Үмітімді үзгім менің келмейді,
Талпынысым тамыр жарып терлейді.
Маған ешкім бұл сезімді айтпады,
“Қумашы” деп құласа да ел мейлі.

Мен ешкімге сезім жайлы айтпағам,
Естігендер шалқасынан шайқалған.
Себеп болдың серпілгенде сезімім,
Ғашықтығым айналама байқалған…