Заман ақындары

Мұң зарын заманының айта туған,
Әр ақын дәуірінен ой татырған.
Талант деген тартуы тәңірінің,
Ақын адам шықпайды,ой тақырдан.

Барлық ақын туады бір-ақ рет,
Солай ғой ақиқаты айт оқырман.
Жандарбек қайта тумас Әшімжаннан,
Жанарбек екі тумас айт ақыннан.

Ал Жамбыл дүниеден екі туып,
Еліне езуімен май татырған.
Тоғыз ай анасының құрсағында,
Құздағы жұмыртқадай шайқатылған.

Тоқсанға келген кезде толғатқызып,
Заманның құрсағынан қайта туған.
Мүсірепов Ғабит айтқан бұл пікірді,
Естідің демеңіздер қай пақырдан.

Аузынан шыққан сөзін жазып алды,
Қалмахан, Қайыр, Қасым, Ғалиядан.
Бір Алла екі ғұмыр тарту еткен,
Бір туар қасиетті қарияға!

---