Сырбай Мәуленов

Күз келді

Бұл бетте «Күз келді» атты Сырбай Мәуленов жазған табиғат туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

07.02.2016
0
0
4344

Күз келді тартып шат күйді
Қалаға, ауыл, қыстаққа.
Шалқиды, егін шалқиды,
Комбайндар — стартта.
Қызыл күрең дидары
Көзге жылы ұшырап.
Күз келді қызыл бидайды
Құшағына қысып ап;
Еңбектің жүрген ізіндей
Егіннің десте — баулары.
Ерлердің жарқын жүзіндей
Қырманның қызыл таулары.
Толқиды егін далада
Алтын жалын жел үрлеп,
Жүзеді ашық ауада
Жарыстың туы желбіреп.
Адымдап бізбен келеді
Бұлтармай бұл күз, бұл дала.
Олар да рапорт береді
Москва, Политбюроға.
1952

Cырбай Мәуленов өлеңдері Күз келді өлеңі

Пікірлер (0)

Пікір қалдырыңыз

Жиі қойылатын сұрақтар