Адамның айтқан сөзі ауыр екен – Балғаным Өнербай

Адамның айтқан сөзі ауыр екен,
Көңілге қанжар болып тиген сәттен.
Сөз сүйектен өтетін қару болса,
Сау сүйегім сырқырап, сында-ау, әттең...

Жүрегім ауырады қатты сөзден,
Сондықтан сынамасын мұндай дертпен.
Сезімімді түсінбейтін жандар үшін
Амал нешік - үнсіз күліп көнгеніммен.

Кей адамдар мұны неге түсінбейді?
Әрбір сөздің артында із қаларын...
Із қалған соң, жүректі мұз басарын,
Қатқан жүрек ерітпейді-ау жан жарасын.