Айгүл Қадыр

Осы күздің келбетіне құмармын!

Бұл бетте «Осы күздің келбетіне құмармын!» атты Айгүл Қадыр жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

aiguluzunata
12.08.2025
0
0
431

Сұрша бұлттар желкілдетсе жалауын,
Күн тығылып көрсетпейді танауын.
Сары күзге қарап қойып әйнектен,
Қаймақ қосқан ыстық кофе қалауым.

Осы күзде бар тартылыс, бар сағым,
Қарашаның елемеймін сарсаңын.
Алтын түсті жапыраққа малшынып,
Алтын бақта қыдыру да аңсарым.

Төбемізден ұшып өтсе құстар мың,
Мен сабырлы күз кейібін ұстармын.
Жылы үйде, жылы көрпе үстінде,
Кітап оқып, жатуға да құштармын.

Күрең күзде сібірлейді құла таң,
Құла таңға арманымды сынатам.
Қолшатырдың тығылатын астына,
Күздің салқын жауынын да ұнатам.

Қоңырауын іліп келер тұмар күн,
Бәлкім мен де бұл мезгілге ұнармын.
Кетсе дағы соңы қарға ұласып,
Осы күздің келбетіне құмармын.
Айгүл Қадыр

Табиғат туралы өлең "Осы күздің келбетіне құмармын". Айгүл қадыр өлеңдері. aiguluzunata өлеңдері осы күздің келбетіне құмармын! aiguluzunata өлеңдері

Пікірлер (0)

Пікір қалдырыңыз

Жиі қойылатын сұрақтар