Айгүл Қадыр

Тамыз көшіп барады

Бұл бетте «Тамыз көшіп барады» атты Айгүл Қадыр жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

aiguluzunata
12.08.2025
0
0
367

Жаз да кетті елес боп әр ақпары,
Тамыздың да таусылды парақтары.
Жайма шуақ күндерді шығарып сап,
Қайтқан құсқа қалыпты қарап бәрі.

Қоштаса алмай жазбенен жалқы мына,
Жүрегім де тығылды алқымыма.
Қайта айналып көктем, жаз келгенінше,
Түнгі ызғардың сыр айтам салқынына.

Тамыз көшіп барады, тамыз көшіп,
Шыңда шырша қалтырар жалғыз өсіп.
Жанға жайлы жаз көңіл кетті әне,
Маужыраған түндерден аңыз есіп.
Тамыз көшіп барады,
тамыз көшіп!
Айгүл Қадыр

Тамыз көшіп барады. Айгүл Қадыр өлеңдері тамыз көшіп барады aiguluzunata өлеңдері

Пікірлер (0)

Пікір қалдырыңыз

Жиі қойылатын сұрақтар