Тамыз көшіп барады

Жаз да кетті елес боп әр ақпары,
Тамыздың да таусылды парақтары.
Жайма шуақ күндерді шығарып сап,
Қайтқан құсқа қалыпты қарап бәрі.

Қоштаса алмай жазбенен жалқы мына,
Жүрегім де тығылды алқымыма.
Қайта айналып көктем, жаз келгенінше,
Түнгі ызғардың сыр айтам салқынына.

Тамыз көшіп барады, тамыз көшіп,
Шыңда шырша қалтырар жалғыз өсіп.
Жанға жайлы жаз көңіл кетті әне,
Маужыраған түндерден аңыз есіп.
Тамыз көшіп барады,
тамыз көшіп!
Айгүл Қадыр

---