Сезім мен Жантөреге арнау – KAZBEKboken63

Сезім мен Жантөреге арнау (тілашар және сүндет той)

Тұңғышым деп елжіредің, езілдің, Білімге жол ашатының сезіндің. Қадамыңа нұры жауып алланың, Тілашары құтты болсын Сезімнің!

Білімдінің күні жарқын бұл күні. Шәкірт болсын өнегелі, үлгілі, Сезім гүлің болсыншы деп тілеймін, Қазағымның әнші, биші, бұлбұлы.

Қуанышқа толсын әрбір күндерің, Жарқын-жарқын естілсін тек үндерің. Тіл мен көзден сақтап өзі жаратқан, Жайнап өссін Сезім атты гүлдерің!

Бабамыздың салт-дәстүрі сүндет той, Бұл сүндеттеу ата-анаға міндет қой. Ұл-қыз еріп, шаттандырып, із басып, Бола берсін шаңырақта күнде той.

Тарихымда өткен небір сан төре, Төрелерден сайланатын хан-төре. Ел мақтайтын азамат боп ержетсін, Қайролланың немересі Жантөре.

Құлыншақтар қызығы Жаңагүлдің, Осылар ғой иесі жаңа күннің. Жүрейік біз ортақтасып, бөлісіп, Айбат пен Қарлығаштың жаңалығын.
Ізгі ниетпен: Қазбек-Махаббат
19.08.2017жыл