Ит жоқта шошқа үреді қорамызда – KAZBEKboken63

Ит жоқта шошқа үреді қорамызда

Ит жоқта шошқа үреді қорамызда, Біз сонда дұрыс адам боламыз ба? Тәрбие, білім берер шаңырақты Күзеттіріп шошқаға қоямыз ба?

Шошқа бірақ болмайды итіміздеій, Басқа шығып билейді битіміздей. Иттің дауыс-қимылын саламын деп, Келтіреді еріксіз күлкімізді-ей.

Өзі сасық, дауысы қорсылдаған, Ешқашанда демейді болсын саған. Серік болып қызмет атқарған ит, Бұл секілді ешкімді қомсынбаған.

Болғанмен қанша жаман итім дұрыс, Істегені шошқаның бәрі бұрыс. Кесірінен пәленін бас бірікпей, Арамызда болады күнде ұрыс.

Шошқаның бас болғаның қаламаймыз, Өмірлік одан үлгі ала алмаймыз. Алауыз боп айрылсақ барымыздан, Келешекке нық басып бара алмаймыз.

Өсиет, ақыл құяр санамызға, Күн туар ма қол жетер данамызға. Әлде айналып жемқорлар жемтігіне, Лауламай өшіп-сөніп қаламыз ба?

30.01.2014 жыл