Туған жер – Әділет Молдажан

Алыс сапар, жолдарда аңсағаным,
Келбетіңе, өзіңе тамсанамын.
Жүрек сезіп жылуды, лүпілдейді,
Кейбірде өзің үшін дүрсілдейді.

Бақытымсың – сен менің, шын арманым,
Жалғызымсың – сен өзің, махаббатым.
Сары жайлау, асқар таулар, таза ауа,
Жасыл орман, мөлдір өзен, байтақ дала.

Туған жерім, тек сен үшін алға басам,
Тек сен үшін тау төңкеріп, мұхит асам.
Жүргендер көп сүйіп қазір шетелдерді,
Ақырында барлығы да өкінеді.

Баға жетпес, байлық жетпес, сан жетпес,
Туған жерге махаббатты біле бермес.
Туған жерім, жұлдызымсың, айымсың,
Бәйгедегі жүйрік, асыл тайымсың.

© 2026 Молдажан Әділет. Барлық құқықтар қорғалған. Туындыны көшіру, тарату және пайдалану тек автордың жазбаша рұқсатымен ғана жүзеге асырылады.