Жан жолдас – Әділет Молдажан

Аямайды жақсылықты жан досың,
Кім болсаң да, жаман, жақсы болмысың.
От пен суға бірге түсер нағыз дос,
Тыңдайтын да түсінетін сырласың.

Жанашыр боп табылады жан жолдас,
Жан жолдассыз өмір балдай тәтті болмас.
Тар қорада жалғыз қалған тоқты да
Маңырайды, іздеп қойды қоралас.

Жан досыңмен қиын-қыстау болмайды,
Жан досыңмен қос қанатың талмайды.
Шексіз көкті билеген құс — қыран да,
Ирең-ирең жасырынған жылан да,
Бір жалғызға жабылған топ қасқыр да,
Биік шыңды мекен еткен арлан да,
Жан жолдассыз өмір сүру тірінің,
Қолынан келмейді ешқайсысының бірінің.

© 2026 Молдажан Әділет. Барлық құқықтар қорғалған. Туындыны көшіру, тарату және пайдалану тек автордың жазбаша рұқсатымен ғана жүзеге асырылады.