Өлең, жыр, ақындар

Төлендіге

  • 07.02.2016
  • 0
  • 0
  • 2014
Сені тәуір көріп ем,
Бармысың сен Төленді.
Өзім жазып беріп ем,
Бақытыңа өлеңді.
Есіңде ме жүрген кез,
Күндіз ұйықтап, жортып түн.
Дос қадірін білген кез,
Батпағында Волховтың.
Кеудеде кек алаулап,
Тастап ойын-күлкіні.
Бардық біздер жаяулап.
Қан майданға бір күні.
Есіңде ме,
жан жолдас,
Қанды кештік қанша күн.
Оққа ілінді оң жамбас,
Қансырадың, шаршадың.
Көңіліміз жаңарып,
Көшемізде өсті тал,
Болды ауыр жара ұмыт,
Қалды артта госпиталь.
Артық көрген досым ең,
Сағындым да өзіңді.
Жан күйінің жасымен,
Шайып алдым көзімді.
Іздедім мен еске алып,
Бармысың сен, Төленді.
Қайырлы таң, кеш жарық,
Оқы осы өлеңді.
1956



Пікірлер (0)

Пікір қалдырыңыз

Дауыл

  • 0
  • 0

Тұңғиық түпсіз теңізді жауып,
Соғады дауыл, бұлт бұйраланып.
Атады быж-быж қайнап көбігін,
Толқынды толқын үйіріп қағып.

Толық

Сурия

  • 0
  • 0

Жиегінде толқып талы,
Шуылдайды ұлып іші.
Сурия өзен Волховтағы
Назияның сіңлісі.

Толық

Бозшакөл басында

  • 0
  • 0

Осы екен ғой ата-бабам өлген жер,
Жоқ оларды қазір көзбен көргендер.
Ескен желдер қанатына мініп ап,
Көшкен құмдар,

Толық

Қарап көріңіз